Пардохтҳои ғайринақдӣ
Пардохтҳои ғайринақдӣ – роҳи қулай ва бехатари пардохт бидуни истифодаи пули нақд мебошад 💳
Барои роҳат ва амният пардохтҳои бидуни нақдро интихоб кунед, аз соддагӣ ва бароҳатии он лаззат баред!
ТАКХ “Азизи-Молия” ба таваҷҷуҳи шаҳрвандони ҷумҳурӣ мерасонад, ки дар асоси Фармони Президенти Ҷумҳурии Тоҷикистон “Дар бораи тадбирҳои вусъат додани ҳисоббаробаркунии ғайринақдӣ”, ки 22 июни соли 2023, таҳти №586 ба тасвиб расидааст, аз 1 августи соли 2023 пардохти тамоми хизматрасониҳои муздноки давлатӣ тариқи ғайринақдӣ амалӣ карда мешаванд.
Шахсони ҳуқуқӣ, соҳибкорони инфиродӣ ва хоҷагиҳои деҳқониро зарур аст, ки барои анҷом додани пардохтҳои ғайринақдии хизматрасониҳои давлатӣ аз суратҳисоби бонкӣ истифода намоянд. Дар сурати надоштани суратҳисоби бонкӣ метавонанд ба Ташкилоти мо, е дигар Ташкилотхои карзи муроҷиат намуда, суратҳисоби бонкӣ кушоянд.
Барои амалӣ намудани пардохти хизматрасониҳои муздноки давлатӣ шахсони воқеӣ (аҳолӣ) метавонанд аз кортҳои пардохтии бонкӣ, ҳамёнҳои электронӣ, барномаҳои мобилӣ ва Интернет- бонкинг, POS терминалҳо ва QR-рамзҳо истифода намоянд.
Ба гурӯҳи хизматрасониҳои муздноки давлатӣ пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасониҳои тиббӣ, хизматрасониҳои коммуналӣ ва намудҳои дигари хизматрасониҳои давлатӣ дохил мешаванд.